Ko Wai Ahau

Te Hohaieti o te reo Maori ki Wikitoria

Ko wai ahau?

Nō tua whakarere ahau 

Nō ngā rā o te moa

I tupu mai ahau nō roto i ngā whenua taurikura o Aotearoa 

I rere noa ahau i tōku kāinga

He noho haumaru, he noho āio

I tētahi rā, i tae mai te mate nui ki tōku kāinga

Kua patua ahau e ringa kē

Kua tāhaetia i ngā arero o ōku ake

Kua roa ahau e tatari ngū ana kia puta anō

Ahakoa tōku māuiuitanga,

Kei ngā ringaringa o ōku ake te rongoā

He wā tōna, ka puāwai anō ahau 

Kāre tētahi e pātai ko wai ahau 

E kore rawa ahau e wareware

Ka puta anō ahau

Ko Te Reo Māori tōku ingoa